Maxfiylik siyosati

1. Qanday ma'lumot yig'amiz

Hisob: telefon raqamingiz (kirish uchun), ism-familiyangiz, tanlangan rol (mijoz yoki usta), profil rasmi (ixtiyoriy).

Usta profili: qisqa tavsif, kasblar, tumanlar, tajriba yillari, portfolio rasmlari.

Ustaning shaxsini tasdiqlash: pasportning rasmli sahifasi va pasport bilan selfi. Ularni faqat administrator ko'radi va tekshiruvdan keyin darhol o'chiriladi — faqat tasdiqlangan sana saqlanadi.

Soliq maqomi (ixtiyoriy): usta xohlasa kiritadigan maqom (o'zini o'zi band qilgan yoki YaTT) va STIR yoki JShShIR — uning roziligi bilan soliq organi ma'lumotlari bilan solishtirish uchun. Raqamni faqat administrator ko'radi, boshqalarga faqat «Soliqda ro'yxatdan o'tgan» belgisi ko'rinadi. Usta uni istalgan vaqtda olib tashlashi mumkin.

E'lonlar va shartnomalar: ish tavsifi, tuman, manzil, ixtiyoriy rasm va joylashuv, narx takliflari, shartnoma holati, kafolatlangan to'lov holati, baho va sharhlar.

Xabarlar: shartnoma bo'yicha mijoz va usta o'rtasidagi chat yozishmalari.

Bildirishnomalar: Telegram'ni ulasangiz — Telegram chat identifikatori; telefonga bildirishnoma uchun — qurilmaning push tokeni.

Texnik ma'lumotlar: ilova versiyasi, platforma va ilova xatolari (yiqilish sababini aniqlash uchun), server jurnallarida IP manzil.

Joylashuv faqat siz ruxsat berganda va e'lon yoki usta joyini belgilash uchun olinadi. Kontaktlar, rasmlar galereyasi (tanlaganingizdan tashqari) va mikrofon ishlatilmaydi.

2. Ma'lumotdan qanday foydalanamiz

Hisobingizga kirishni tasdiqlash, e'lon va takliflarni ko'rsatish, shartnoma, chat va baholashni yuritish uchun.

Yangi taklif, xabar va shartnoma o'zgarishlari haqida bildirishnoma yuborish uchun.

Firibgarlik va qoidabuzarlikka qarshi kurashish, nizolarni hal qilish uchun. Shartnomagacha yozilgan matnlar (e'lon, taklif, xabar) kontakt ma'lumotlari bor-yo'qligiga avtomatik tekshiriladi.

Ilova ishlashini yaxshilash va xatolarni tuzatish uchun.

Biz ma'lumotlaringizni sotmaymiz va reklama uchun uchinchi shaxslarga bermaymiz.

3. Ma'lumotingizni kim ko'radi

Usta profili, ism, baho va sharhlar ilova foydalanuvchilariga ochiq.

E'lon tavsifi va tumani ustalarga ko'rinadi. Aniq manzil va telefon raqami faqat shartnoma tuzilgandan keyin qarshi tomonga ko'rsatiladi.

Chat yozishmalarini faqat shartnoma tomonlari ko'radi. Nizo bo'lganda Ustame administratori uni hal qilish uchun shartnoma ma'lumotlarini ko'rishi mumkin.

Qonunda belgilangan hollarda ma'lumotlar vakolatli davlat organlariga ularning rasmiy so'roviga binoan taqdim etiladi.

4. Xizmat ko'rsatuvchilar

Ma'lumotlar quyidagi xizmatlar yordamida saqlanadi va uzatiladi: Neon (ma'lumotlar bazasi) va Railway (server) — Singapurdagi serverlar; Cloudflare (sayt); Eskiz.uz (SMS-kod); Telegram (bot bildirishnomalari, faqat ulaganingizda); Expo va Google Firebase (telefonga bildirishnoma).

Ular ma'lumotlarni faqat bizning xizmatimizni ko'rsatish uchun qayta ishlaydi.

5. Saqlash muddati va o'chirish

Ma'lumotlar hisobingiz faol bo'lgan muddatda saqlanadi. Ilova xatolari haqidagi yozuvlar 90 kundan keyin o'chiriladi.

Hisobni istalgan vaqtda ilovada o'chirishingiz mumkin: Profil → «Hisobni o'chirish». Telefon raqami, ism, rasmlar, manzillar, usta profili va sevimlilar darhol o'chiriladi. Qarshi tomonga ham tegishli yozuvlar (yakunlangan shartnoma, sharh, chat) uning tarixida «O'chirilgan hisob» nomi bilan qoladi.

6. Xavfsizlik

Ulanishlar shifrlangan (HTTPS). Kirish kodi va sessiya kalitlari maxfiy saqlanadi. Shunga qaramay, internetda hech bir tizim mutlaq xavfsiz emas.

7. Bolalar

Ustame 16 yoshdan katta foydalanuvchilar uchun mo'ljallangan. 16–17 yoshli foydalanuvchilar ilovadan ota-onasi yoki qonuniy vakilining roziligi bilan foydalanadi.

Biz 16 yoshga to'lmagan bolalarning ma'lumotlarini bila turib yig'maymiz. Bunday hisob aniqlansa, u o'chiriladi.

8. O'zgarishlar va aloqa

Siyosat o'zgarsa, yangi tahrir shu sahifada e'lon qilinadi.

Savollar va so'rovlar uchun: [email protected]